الخميس، 25 يونيو، 2015

دروس في الفراغ


الخواء
ثم
الهواء
ثم
الهراء
ثم
الخراء
ثم
الخلاء
ثم
الخواء.
هي حلقة جهنمية مفرغة،
فلا تسعين الى الهروب،
أيها الريفي الاحمق،
يا ملك الكلام المنمق،
فلتبق مع أصدقائك وأعدائك وأقربائك
الالكترونيين أجمعين،
ولندخل سويا في دوامة التفاهة،
في دوامة السفاهة،
في المتاهة،
متاهة الحماقة،
متاهة الصفاقة،
في دوامة النفاق، يا رفاق،



ما يغبطني اني لست احمقكم،
فهيا بنا نلعب،
تعالوا جميعا الى ارض المخابرات المباشرة،
هيا أيها الريفي الاحمق،
تقيأ ما في جوفك من كلمات،
علك تخرج بقايا الكبت والحقد
والحسرة والالم
والخواء،
و النرجسية ،
أنت نرجسي !
علام أيها الأحمق،
احذر ايها الاحمق،
كل هذا الخواء،
قاتل ومخاتل،
كأهداب معشوقة،
هو فراغ الحياة سيدتي ،

ما ينتج هذا الفراغ الالكتروني.
خواء 

السبت، 6 يونيو، 2015

يا ترامواي بيروت 1: المشفلحة والمنقبة والبغل

رزق الله على ايامك يا ترامواي بيروت.
اساسا ببيروت ما في ترامواي . هيدي قصة لوحدا منحكيها. بس لو كان في كنا منشوف خبار كتير متل اوروبا.
بتشوف صبية حلوة بس انو تبقى مبوزة شوي. ليش؟ لانو لابسة شورت مبين جزء من مؤخرتا لبرا وشايفة هالشباب عم يطلعو فيها. ما بعرف شو كانت معتقدة رح يعملو. انو بيصلو العصر مثلا. فبتبوز يابا .  هلق هيي مش هاك الشغلة يعني جايي عسيلوليت اكتر . بس انو ليك اخر شي متلا بيكون في 30 وحدة عنفس الموديل لدرجة انو بينتسى وجودون.


بيصير اذا شفت وحدة منقبة تلفتلك نظرك اكتر. ممكن تنكز رفيقك: "مان ليك ملا صبية" والمنقبة كمان بتكون مبوزة. هلق انت ما حتشوف البوز بسبب النقاب بس انو هيي مبوزة. لانو يابا كمان النظرات ما بترحما. منا نظرات عنصرية ومنا نظرات اسلاموفوبية. كمان ما بعرف شو متخيلة هيي انو ببلدان علمانية و متحررة تكسر القاعدة. والتبويز كمان لانو درجة الحرارة 36 وهيي بالنقاب. بعدين شايفة هيديك الصبية عم يطلعو فيا وغيرانة. وهيي احلى منا بس ما قادرة تبين جمالا. عداك انو ابو بكر حدا مبوز كمان انو كيف عم يطلعو بحريمو. استغفر الله.
طيب يا اخي ، هولي بتفهم ليش مبوزين بس انت يا بغل ليش مبوز، يعني لا حدا رح يتطلع فيك ولا حدا رح يتحرش فيك. شو مفكر حالك دي كابريو. قلنالك بونجور ولا خيي. فردا شوي

الأربعاء، 3 يونيو، 2015

دروس في الحماقة

دروس في الحماقة
وتدع التاريخ يمضي،
تدع القدر  يمشي،
وتبتسم دائما
ابتسامة الريفي الاحمق.
أيها الريفي الأحمق،
كم قادتك الحماقة الى دروب وضيعة،
فتسقط في لجج القذارة،
و تخرج منها لامباليا.
كم أنثى خذلتك،
وتخرج معهن ودودا.
كم زلة سقطت فيها،
وتخرج منها مبتسما.



كم ضربة صدعتك،
وتخرج منها حيا،
كيف لا تزال حيا،
كان يفترض بالحماقة ان تقتلك،
والغرائز البدائية
قد تقتل ايضا في المدن الفاجرة
المحملة بصنوف الصلف جميعا
وبكل انواع المافيات
ألم يكتب عبد المعطى حجازي
عن مدن بلا قلب.
هي مأساة كل الريفيين.
احص حماقات،
لا تعد ولا تحص
وابك على اطلال الفرص الضائعة.
انه القدر اذن،
القدر يبقيك حيا،
احذر ايها الاحمق،
الحياة ليست اغنية لعبد الحليم حافظ،
انها بالاحرى حلبة صراع داروينية،
لا مكان للوردية فيها
وانت تشبه شخصية من روايات مورافيا او امادو.
تعلمت من حماقاتك الكثير،
ولكن امامك الكثير لترتكبه،
وها أنت بين الفينة والأخرى،
تعشق ثم تندم،
وتعمل ثم تندم،
وتكتب ثم تندم،
وتقرأ ثم تندم،
وتندم وتندم ....
أفلا تتعظ
أيها الريفي الأحمق،

أوقف حماقاتك.

الخميس، 28 مايو، 2015

الخيارات الخاطئة


تبقى انت مقدملا كل شي. بتقلا: باخدك بجيبك بطلعك بنزلك. شو بدك.
بتقلا مش رومانسي بس بين ايديكي عم صير روميو.
اخر شي بتقلك: لا انت مش "ستيلي" . مع انو بتكون شايفة . في نوعية عناد ونكاية مخيفة.
وبتصير تروح تختار اسوأ نوعيات  وبتكون قاشعة النوعيات العاطلة.
يعني اذا حدا شغيل ومعو مصاري وحدا عاطل عن العمل بتختار العاطل.
اذا حدا مثقف او متعلم وحدا امي بتختار الامي.
حدا محترم ومرتب و رايق وحدا زعوري و اخوت بتختار الزعوري.
بتذل حالك اخر شي كرمالا وبتبقى عم تلبط فيك. اخر شي انت حس عحالك كمان انو انت غلطان بالخيار .
وتركا خيي تاخد خيارات. تعمل COMBINATION  من كل شي في خيارات عاطلة .
وبتبقى مبسوطة انو بعصتك وبتكون بعصت حالا وهيي عارفة بس العناد . شو بدك تعمل يا شيخ.

الحياة ما فيها عدل. شوفي انا بس شوفك بحس حالي اني ملحد كتير وانو الله مش موجود.
مش معقول كل هالجمال هيدا وهالعيون الزرق بعمر الشباب عم يشتغل هيك شغلة.
انتي مفروض تكوني مينيموم ملكة جمال ، عارضة ازياء . هيك شي. قاعدة عم تشتغلي تنظيف من ورا ارطة بهايم.
بحس حالي بدي روح شيل الزبالة عنك.
لا ما فيها عدل الحياة. انا قلبي عم ينفطر عليكي.
انتي كيف اخدتي هالخيار.

ليك انت ملاحظ مستوى غبائك. مستوى مرتفع جدا.
تبقى بتعمل انو انت عم تحصمص عالليرة. انو اذا شي ب 1000 وشي ب 1250 بتشتري ال 1000 انو يابا عم توفر.
وبليلة وحدة بتروح بتصرفلك 400 – 500 دولار علذة عابرة من سيجارة ما. او لتفشخ بتشتريلا لمرتك قشاط من عند Aishti  ب 400 دولار. وبابقى عم تضحك وانت مبعوص.
اخر شي بتصير معود. مش منتبه انو هول كلون خوازيق عم تختارون. وبعد كل خازوق بتكون سعيد.
ليك ريس انت وقف السواجير وقف القشط. وقف كل عمليات الحيونة و فشخ بغير اشيا.


العالم بتعمل كتير خيارات غلط.
الدليل شوف كم حمار لاحق ابو بكر البغدادي وهوي قانعون انو بتعمل عملية انغماسية و انا حاجزلك طيارة عالجنة لتتعشى مع النبي و تعاشر حوريات.
والدليل الو امتدادو التاريخي. كم واحد الماني لحقو لهتلر عاساس انو هني احلى من العالم.
والليستة بتطول. لاحظ كم واحد بيحضر فيديو سيب ايدي لوائل ومنة وكم واحد بيسمع ام كلثوم او فيروز
العالم ما بتنتبه. المشكل انو بياخدو خيارات وبيوقعوك معون وبيموتوك معون. بس لا حولة ولا عورة.
انسى يا شيخ. بدك تقعد تدل العالم عخيارات. انت ركز عخياراتك كمان . ما انت كمان ما بتسلم. ما تفكر حالك اله. 

الثلاثاء، 12 مايو، 2015

دروس في الوحدة

عقد ونيف من الوحدة،
عقد تتعلم خلاله كيف تستيقظ،
كيف توضب نهارك في المدن المزدحمة،
كيف تشذب تلك النباتات المزعجة بحرفية جدك،
بعيدا عن ريفك الساكن،
بروتين يومي،
لا يخرقه سوى هنيهات،
لكن ايها الريفي الاحمق،
 انثى واحدة،
اخترقت وحدتك.
واحدة لا غير،
هدمت كل ذاك البنيان المرصوص.
ثم رحلت كما قدمت مسرعة.
سأنسى،
أقول سأنسى،
ذاك الجرح الغائر،
ولكن طيفها يراودني
أينما حليت،
وافتش عنها،
في القطارات،
في الحدائق،
في المقاهي،
وبين الجموع،
لا أرى إلا وجهها،
وهي غائبة.
لكني سأنسى،
وأدرك اني قادر على النسيان،
خلف هذه الضلوع،
أخبئ جسدا مثقلا بالنكسات،
فردا علمه الدهر كيف يقتل الدهر،
انتهي من العمل اليومي المقرف،
بكل اشمئزاز ،
وارتاد قصري،
وبين حنايا خير جلسائي
انسى الانام،
اتضرع قليلا على اوتاري،
وتحملني شاشة ذهبية
بعيدا عما يدور خارجها،
واقرأ الصحف الصفراء.
كأي ريفي أحمق،
لا أندم على شيء،
فما كتبته ذاك الاله  غير المرئي،
حاصل لا بد،
فأدعه يسير
كخرير ساقية في الريف.
وانام هنيئا ، وحيدا،

كاي ريفي احمق.

الأربعاء، 29 أبريل، 2015

مدينة البهائم 6: تنمير

زوزو: ليك، بدي عربش عالحيط.
جوجو: ايه عربش شو لاقطك عايدك.
زوزو: انو انا فيني عربش، انت ما فيك.
جوجو: لا ما فيي، روح عربش.
زوزو: ايه بدي عربش بس مش هلق بعد شوي.
جوجو: طيب فيك تعيرنا سكوتك لحديت ما تعربش.

*********
زوزو: فيني روح معك عالحفلة.
جوجو: خيي انت مش معزوم كيف بدك تروح.
زوزو: بروح ومنزبطا هونيك.
جوجو : لا خيي ما فينا.

بعد يوم:
رورو: ما رحت مع جوجو عالحفلة.
زوزو: انا اعوذ بالله. هاي حفلات عهر وعربدة بدك روح عليا!!!

*********
 زوزاية: انا طبخت اليوم شاورما دجاج.
جوجاية: وانا كمان. شو يعني.
زوزاية: انا مبارح طبخت لازانيا.
جوجاية: ايه وانا معكرونة بلحم
زوزاية: ايه بس اللازانيا اطيب.
جوجاية: انو الدني ذوق.
زوزاية: بس عامة اكلاتي اطيب.
جوجاية: ما حدا ملاحظ. بما انك عم تاكليهون انت وجوزك. اصلا في شي مرة عزمتو حدا. ليش في حدا بيروح صوبكون.



*********
زوزو: ليك بدي فل من الشغل . معاش طايقو.
جوجو: تروك اذا ملاقي شغل احسن.
زوزو: ملاقي بس ناطر هني يفللوني تاخد تعويض.

تاني يوم:
جوجو: شو طردوك؟
زوزو: طردوني. بدي ارفع عليهون دعوى وانشر غسيلون عالعلن.
جوجو: ايه بس ما انت كان بدك تفل. كنت فليت بشرف
زوزو: بكرا بفرجيهون كيف.

*********
زوزو: بدك تروح معي عصور.
جوجو: ايه اكيد بروح.
زوزو: طيب بدك تساعدني لانو انا ناسي الطريق.
جوجو: خلص ولا يهمك.

ثاني يوم:
رورو: ولك يا زوزو، ليه ما جيتو مبارحة عصور.
زوزو: لك رحت مع جوجو وهيدا بعيدين عنك حمار ما بيعرف الطريق.
رورو: اه ما بيعرفها. ما انتي ربا عاساس.

زوزو: له يا زلمي، انا بحياتي مش طالع من بيروت. بس بحب نمر على جوجو.

الثلاثاء، 24 مارس، 2015

دروس في الترحال


وترتحل في أصقاع الأرض،
ترتحل في صقيع الوقت،
تعلق الذكريات على مشجب
وتمحي ما تمحيه
وترمي ما ترميه
كأعقاب سجائر أدمنتها،
ترتحل وتلقى ما تلقاه،
تهرب من الوحدة الى الوحدة،
وما بينهما من جموع عابرة،
يتركون على جبهتك آثارا،
تزداد شدة كلما قتلوك،
هنا عبرت أندلسية بضفائرها
ورحلت حين أحرقوا كتب ابن رشد،
وهناك تضحك لك غربية
فلا تقتنع بضحكات استعمارية،
حتى أوغاريت لا رجاء منها.



ارتحل كأجدادك البدو،
أيها البدوي الاحمر،
لا تزداد الا حمرة،
أيها الريفي الاحمق،
لا تزيدك الأيام
الا سمرة،
فاشرب الخمرة
وانس،
واتعظ،
لا ملاذ،
ترتحل وتؤوب،
الى تلك البلاد الميتة،
حيث تدلهم الساحات
وترفع رايات سود فوقها.
اما انت فلا ترفع رايتك البيضاء
اصمد فلا شيء لتخسره،
حتى القيود غير مرئية،
وترتحل،
تحاول أن تضحك،
لتخفي ما صنعته الأيام،
تزداد سخرية
وتزداد عبثا،
فاضحك من قلبك
لمرتحلة مثلك
 حتى ولو كانت عابرة،
ترتحل،
وتعود مكسورا كما دائما،
خائبا ذليلا،
لا شيء هناك
لكن لا شيء هنا،
سيان أن ترتحل أو تعود.
لا ملاذ،

فارتحل.